Whakataka te hau ki te uru
Whakataka te hau ki te tonga
Kia mākinakina ki uta
Kia mātaratara ki tai
E hī ana te atakura
He tio, he huka, he hauhū
Tīhei mauri ora
Whakataka te hau
Kia hora te marino
Kia hora te marino
Kia whakapapa pounamu te moana
Hei huarahi mā tātou i te rangi nei
Aroha atu
Aroha mai
Tātou ki a tātou katoa
Haumi e! Hui e! Taiki e!
May peace be widespread. May the sea be like greenstone; a pathway for all of us this day. Let us show respect for each other, for one another. Bind us all together.
TĒNEI AU
Tēnei au,
Tēnei au
te hōkai nei i taku tapuwae
Ko te hōkai nuku,
Ko te hōkai rangi
Ko te hōkai a tō tātou tupuna a Tāne-nui-ā-rangi
I pikitia ai ngā rangi tūhāhā
ki te tihi o Mānono
I rokohina atu rā
ko Io Matua kore anake
I riro iho ai ngā kete o te wānanga
Ko te kete tuāuri,
Ko te kete tuātea,
Ko te kete aronui
Ka Tiritiria
Ka poupoua
ki a Papatūānuku
Ka puta te ira tangata
ki te whaio ao, ki te ao marama
Kia tūturu ā whiti whakamaua kia tīna, Tīna!
Haumi e hui e! Tāiki e!
Karakia o te ata
Tēnei te mauri
ka piki ake ki te rangi e tū nei.
he rangi atua, he rangi tipua, he rangi tawhito
Kia whiti, kia whiti ko te mātauranga
kia tau, kia tau ko te māramatanga
Whāia kia tata, puritia kia mau
Haumia e, Hui e, Tāiki e.
Karakia o te ata
Ka marama, ka marama
takiri ko te ata,
kōrihi ko ngā manu
he manu kororī
he manu kororā
kōrerotia mai nō tuawhakarere
nau mai e te ao
haere rā e te pō
Tuturu whakamaua kia tīnā!
tīnā! Haumiē, huiē, taiki e
Karakia o te ata
Ka tākiri ake ngā haeata
o Tamanuiterā
Ki runga i te Rāwhiti,
ka awatea
Ka haukū a Papatuānuku
Ka ngarue te whenua
Haramai Ranginui e tū iho nei
Te oha o te rā,
te oha o te pō
Tuturu whakamaua kia tinā!
Tīnā! Haumie, huiē, taiki e